Hamborgarafabrikkan

• MATSEÐILL

• ENGLISH MENU

FORSÍÐA MATSEÐILL STAÐSETNING UM FABRIKKUNA

Fabrikkan tekur vel á móti afmælisbörnum og færir því ókeypis eftirrétt og íslenskt óskalag að eigin vali. Það má vera hvað sem er. Við höfum aðgang að allri íslenskri tónlist

í gegnum Tónlist.is, samstarfsaðila Fabrikkunnar.

Erla Ívarsdóttir kokkur á Geirlandi við Kirkjubæjarklaustur er höfundur skyrtertunnar á Fabrikkunni.

Erla er fædd á Patreksfirði árið 1944, dóttir Ívars Halldórssonar og Ingibjargar Júlíusdóttur, bænda á Melanesi á Rauðasandi. Erla ólst upp í sveitinni en fór til Reykjavíkur í Húsmæðraskólann 18 ára gömul. Eftir að hafa starfað um hríð á veitingahúsum og mötuneytum í Reykjavík lá leið hennar Iðnskólanum og árið 1970 útskrifaðist Erla sem kokkur, fyrst kvenna á Íslandi! Erla hefur starfað óslitið við eldamennsku síðan og rekur í dag Hótel Geirland við Kirkjubæjarklaustur sem er vinsæll áfangastaður ferðamanna, innlendra sem erlendra. Það var einmitt þar sem Simmi og Jói

smökkuðu skyrtertuna sumarið 2009 og fengu uppskriftina að láni. „Einu sinni voru svo vinsælar ostakökur og mér datt í hug að útfæra ostakökurnar með því að nota skyr í stað osts. Það tókst svona ljómandi vel og síðan þá hefur skyrtertan yfirleitt alltaf verið vinsæl hjá mér á matseðli“, segir Erla. Enda ekki skrýtið, hún er algjörlega dásamleg, og það er Erla líka.

Fyrsta konan sem útskrifast sem kokkur úr Iðnskólanum.